Безобразно образование

 "Ако сакаш да уништиш една нација, уништи и го образованието"

Толку често ја слушаме оваа мудрост!

Ја цитираат во разно разни пригоди , неизбежна е секој пат кога се коментира образованието во Македонија.  Одговорноста се лоцира во законските регулативи кои го опфаќаат образованието, во квалитетот на образовниот процес преку квалитетот на учебниците и квалитетот на образовниот кадар, во опременоста на училиштата од технички аспект, во несоодветно спроведени реформи препишани од понапредни и поорганизирани држави.... слоеви и слоеви одговорност. Сите легитимни.  Насекаде околу нас. 

А да погледнеме малку и во нас самите?

Последниве 20 години живееме во општество со извртени вредности. Толку многу го изместивме нормалното во овие години од осамостојувањето на Македонија до денес, што остана заглавена мисла "дали бев пеперутка која сонува дека е човек или човек кој сонува дека е пеперутка". Она што некогаш беше предмет на почит денес е предмет на потсмев. Она што некогаш беше неприкосновено денес станува лесно за лажирање. 

Знаењето. 

И сите ние допринесовме за тоа. 

Родителите станаа влијателни учесници во образовниот процес. Секојдневно јавување, ургирање за подобри оценки на нивните деца, газење врз авторитетот на професорите со преиспитување на системот на оценување, пишување домашни задачи наместо нив, расправање на родителски состаноци дека нивното дете е паметно и знае се а професорот не знае и погрешно го оценил... субјективноста на родителот започна да ја поткопува објективноста на професорот! Се користат сите расположиви методи за вршење притисок - роднински, колегијални, соседски, партиски... само за да се има Петка во свидетелството на нивното дете, не е важно дали истото поседува соодветно знаење за таа оценка. Денес родителите се толку многу опседнати со успехот на своите деца што се подготвени и да се закануваат на професорите. Длабоката партизираност во нашата држава им го овозможува тоа  Па тие седат на партиски состаноци со нивните директори, тие гласале на партиски состаноци за вработување на професорот, тие може да делуваат да ја изгуби работата или во најмала случај да биде казнет затоа што "погрешно" оценил нечие дете. "Почекај, ќе ти се јави директорот" е последната стапка врз авторитетот на професорот. (Додуша, ова не изолиран случај само во образованието, ама сега темата е тоа)

Денес е многу тешко да измериш знаење според успех во образованието. Она што е на хартија со она што реално значи знаење и вештини. Дипломата не го потврдува знаењето повеќе. Беспоштедната борба за оцени на родителите доведе до ситуација деца кои имаат "одличен" успех во основно образование, "одличен" успех во средно образование, "одличен" просек на факултет (каде освен ургирањата функционира и платежено влијание) да станат "академски кадар" иако реално не знаат ни основни граматички правила. И тој кадар станува конкуренција при вработување на оние деца кои за успехот се избориле со сопствено знаење. Всушност не... пак остануваат над конкуренцијата, затоа што нивните родители кога успеале да ги донесат до тука, имаат моќ и да ги "вдомат" во некоја државна институција. Мора во државна затоа што само така може да продолжи ланецот на "влијание". Во приватниот сектор се бараат знаења и вештини. Но за пониски плати и бенефиции... бидејќи овој извртен систем дозволува експлоатација на трудот во приватниот сектор затоа што државниот го водат "влијателните"...  И затоа младиот и способен кадар ни бега од државава... Ланецот е нераскинлив - или ќе се покориш на кругот на влијанието, или фаќаш магла!

За девалвација на учителската фела влијаат повеќе фактори. Една од најблагородните и со далекусежни последици професија е најниско платена на пазарот на трудот. Начинот на вработување (како и во сите други државни институции) е детерминиран од партиските прилики. Или неприлики. Со самото тоа професијата станува незаштитена од "влијанија".  Значи, недоволно платена и недоволно ценета а уцената. 

Затоа сме тука каде што сме. А каде ќе бидеме за 20-30 години зависи од "успехот" и "влијанието" на денешните децата и родители. 

Какво образование сакаме?

Каков образуван кадар сакаме?

Каков производ од образовниот процес сакаме?

Каква Македонија сакаме?

Ако сакаме...

П.С. секоја чест на оние кои успехот го постигнале и се уште го постигнуваат со знаење. За жал, со секој изминат ден, стануваат исклучоци... и цела надеж ми е во нив! 

Кога пазарот на трудот станува пазар со трудот

На пазарот на трудот во нашава држава се соочуваме и со вакви апсурдни ситуации, каде вреднувањето на одредени професии е толку ниско што го обезвреднува целиот образовен систем и вољата за образување кај младите луѓе, како и желбата да се остане и работи тука по завршувањето на образованието. Не можеме да очекуваме посветеност во професијата ниту лојалност кон државата од луѓе кои не чувствуваат дека таа држава се грижи за нив и им обезбедува фер услови за работа и егзистенција.

Постои уште едно можно објаснување (во сферата на претпоставките, де) .... Веројатно огласот за собирач на ѓубре е од јавно претпријатие каде мораат да ја објават реалната плата која ќе ја зема и на која ќе биде осигуран вработениот, додека огласот за лекар е од приватна ординација која своите вработени ги пријавува и осигурува на минималната плата (заради законска обврска, данок и слично) а врши доплата на рака до реално договорената плата (20 до 25 000, што е се уште далеку од вреднувањето на трудот, едукацијата и одговорноста на лекарот) која се договара на интервјуто за работа. Многу приватни фирми функционираат на овој принцип, што е нефер и кон државата (се избегнува данок, помалку средства во пензиски и здравствен фонд, пониска просечна плата) и кон вработениот(помала пензија, помала кредитоспособност, несигурност на побарувањето на разликата). Сегашната поставеност на обврската за минимална плата им овозможува на приватните фирми ваква злоупотреба и манипулација и со вработените и со државата. А доведува и до тоа граѓаните да го идеализираат и водат ултимативна битка за работно место во државна институција иако секаде во светот приватниот сектор е многу подобро платен од државниот. Само кај нас имаме директори на фирми, инжинери, лекари, стоматолози, сметководители, правници (и ред други професии) кои „земаат“ плата од 12 500 денари во приватниот сектор, иако тие професии во државниот сектор се барем дупло повисоки. Ако тоа се реални плати за СИТЕ професии во приватниот сектор (има апсурдни ситуации каде болничар, сестра и лекар ја земаат истата плата, онаа минималната одредена од државата), тогаш нешто навистина е многу погрешно уредено во државава.

Без оглед дали е точна претпоставкава или огласот е реален и навистина бараат лекар кој ќе работи за наведената плата во него (немерливо потценување на една ваква благородна професија), решението е во креирање на листа со загарантирана минимална плата по професија на државно ниво. На пример, учител да не може да биде осигуран под 30 000, инжинер под 35 000, лекар под 40 000.... Да имаме некаква заштита на професионалниот кадар во нашата држава. Пазарот на трудот може да ја менува висината на платата, но да има граници под кои не смее да се вреднуваат некои професии. Ова би донело повеќекратна корист првенствено за државата  - задржување на кадарот, негова посветеност во дејноста, полни пензиски и здравствени фондови.

Кога минималната плата одредена од државата ќе биде градирана по професии, започнувајќи со 14 500  за општи работници па нагоре според вид на образование и професии, ќе се постигне и повисока просечна плата.  И поголема мотивираност на вработените во сите професии. Да станеме држава каде вработените се вложуваат целосно во својата професија затоа што знаат дека државата го вреднува нивниот труд и го штити нивното право на достоинствен живот. Без оглед дали работат во државен или приватен сектор.

Ројка

Шетаме во природа. Пешачиме долго. Групата одлучува да направи пауза. Да се обнови енергијата со храна, да се хидрира телото со течност. Има уште многу за одење. А јас прехидрирана, имам потреба да испуштам вода од себе. Групата се распостила на полјанката лево а јас вртам десно. Кон густи грмушки и дрвја без патека да води кон нив. Така засолнета се олеснувам од течноста во моето тело. На враќање назад кон полјанката забежувам прекрасна сенка под уште попрекрасно дрво. Одлучувам тука да ја правам паузата. Го слушам џагорот од групата које е собрана на купче. Убаво ми е да ги гледам така весели. Убаво ми е и тука под сенка сама. Ветерот во косата, мирисот од дрвото, глетката од оваа дистанца... По некое време забележувам дека групата станува, ќе продолжуваме понатаму. Наближувам и јас кон нив. Другар ми ме прашува:

- Знаеш ли што е ројка?
- Не знам точно, нешто навредливо... што е?
- Ројка е овцата која се дели од стадото. Не биди ројка.
(другарска насмевка со благ прекор)
Си го имаме муабетот и смисолот за хумор со другар ми, можеме вака да си речеме. ;)

Продолжуваме понатаму а јас размислувам...

Значи, Ројка е овца. Не било која овца. Ројка е онаа што се двои од стадото. Не заради бојата, како црните овци (кај нив е генетика, тие не избрале да бидат црни нели?). Ројката се двои по сопствен избор. Додека стадото оди во една насока, послушно зад пастирот и неговите кучиња... ројката оди во друг правец. Сака да види што има зад ридот. Сака самата да си одбере место за одмор, самата да одбере каде ќе паси, од која трева. Ројка е овца со сопствено мислење бре! Постои опасност така сама да ја изедат волците. Да. Но се умира и ако си во стадото. Откако ќе те молзат и стрижат со месеци, лесно може да се случи да станеш ручек на нечија трпеза. Во меѓувреме, има позелена трева зад ридот, помиризлива сенка да се одбере....

Се вртам кон другар ми и му велам:

-Благодарам за комплиментот. 

(широка другарска насмевка од мене сега)

Јас сум ројка. 

Јас сум горда ројка!

Име со географска одредница

Кога Колумбо несвесно ја „открил“ Америка пристигнал на Бахамите и Куба, ги истражувал бреговите на Средна и Јужна Америка. Малку потоа Џон Кабот стигнал до Северна Америка. Америго Веспучи, првиот свесен дека станува збор за „нова земја“ и по кого „новиот“ континент добил име, стигнал до Бразил и ја истражувал Јужна Америка.

Во географијата Америка е континент кој е составен од три дела – Северна, Средна и Јужна Америка. Но како државјани и како нација, само жителите на Соединетите Американски Држави се нарекуваат Американци. Така се самоопределиле. Во сите држави кои се формирале во тој географски регион националноста е право на самоопределување. Наспроти државјанството. Во Канада живеат Канаѓани, во Мексико Мексиканци, во Бразил Бразилци, во Аргентина Аргетинци, во Куба Кубанци. Граѓаните во овие држави можат да имаат различни етнички потекла, но никогаш не мешаат етничко со државно. Државјанството ја определува лојалноста и обврските кон државата, не етникумот. 

Е сега, хипотетички да замислеме ситуација каде Канада, Мексико и Бразил им го забрануваат правото на САД да се викаат Соединети Американски Држави а нивните граѓани Американци. Како смее некој да го користи името Америка кога тоа е поширок географски поим од наведената држава? Дали со тоа пројавува територијални претензии кон нив, со кои го дели географскиот поим? Како се чувствуваат во Канада, Мексико и Бразил кога Американциве им го крадат името и идентитетот? Па Америго Веспучи бил во Бразил, никогаш на територијата на денешните САД. Името Америка и Американци е право на Бразилците повеќе отколку на сите други. Иако нема да го користат за себеопределување, ниту како државно име или националност – историски им припаѓа ним! Затоа САД ќе мораат да го променат своето име, да се вметне некоја географска одредница која би го издвоила историското име Америка од денешното. Секако живеат во Северна Америка, името мора да се промени соодветно на географската поставеност. Соединети Северно Американски Држави. Е сега, под Канада се. А и таа има право на името Америка, посебно на Северна Америка. Значи, единствено прифатливо би било Соединети Северно Долни Американски Држави. А жителите кои себе се нарекуваат Американци, по ново ќе се нагласи дека станува збор за Американци/ жители на Соединетите Северно Долни Американски Држави. Секое користење на изразот „американско“ од страна на ССДАД ќе реферира единствено на поновата историја на ССДАД со задолжителна забелешка за тоа. Вистинскиот поим „американско“ ќе го користат само Бразил и ќе има сеопфатно значење за богатата американска култура и славна историја. Ќе се преименуваат сите институции во ССДАД кои во својот назив го содржат зборот „Американски“. Владата на ССДАД ќе побара од сите држави кои досега ги признале како САД да го повлечат тоа и од утре да ги нарекуваат ССДАД. Ќе ги променат уставот и законите во својата држава соодветно на тоа. И самите себе ќе се нарекуваат Северно Долни Американци.

Ви звучи апсурдно?

Лудо?

Недемократски?

Иредентистички?

Нацистички?

Под Ваше покровителство се случи....

Кавадаречки зодијак

Драги мои, се утепавте од читање на разни хороскопи - класичен, кинески, индијански... а ние не сме бре ни кинези ни индијанци! Ни класичари. Ние сме башка класа. Зошто да бидете некое животно или растение кога сте чисти кавадарчани, единствена и уникатна ѕверка!. Затоа составив еден само наш хороскоп. Кавадаречки. Нема период „роден од/до“ Сите кавадаречки знакови во овој зодијак се родени коа им било времето за раѓање. Некои преродени, некои одродени. Сите маме расплакале. 

ПИЈАНИЦА

Тип боем. Ги знае сите кафани. Отворен ум кој не дикриминира ниеден вид на пијалок, сите ги прифаќа такви какви што ќе му дојдат на маса. Поради отвореноста знае да делува изветреано за околината. Умеат да бидат слатки како црно вино ама и лути како домашна ракија. МОТО: Тури уште една и да си ојме!

ЧАРШИЈАР

Вечен скитник. Ја мере чаршијата неуморно. Може да се сретне секаде - на пазар, на плоштад, пред кафиќи, по сите улици во централно градско подрачје. Знае се. Ама баш се. Сите трачеви, измислени муабети. Делуваат како месечари ама чаршијата никогаш не спие, секогаш е будна. МОТО: Чув, чаршијата лафе дека...

СУМЉИВ ТИП

Љубезен. Насмеан. Не шири трачеви. Води здрав живот. Не збори за другите. Не збори за политика. Ма, воопшто малку збори. Слуша и си се смешка. Не го интересира што ќе кажат комшиите. Не се замара со ништо. Ептен сумљив тип! МОТО: Не ме интересира, не е моја работа. 

ОРОСПИЈА

Тип што се цени самиот себе повеќе од другите. Не ти прави услуга. Не сака да игра по твое. И баш му е гајле за тебе и што ќе речеш ти за него. Нејќе со тебе. Ти се смее у лице. Те откачува секогаш. Не ти позајмува пари и не часте пијалок. Ма, не те ебава 2%. МОТО: Шо те ебам бре!

ЕБАЧ

Тип што ќе ти еби мамата. И сестрата, и вујната, и цела фамилија по список! Му се ебе нему за се. За политика, за климатски промени, за животот, за работата, за другарите, за себе самиот... Се чувствува ебан у здрав мозок па се труди да го извади тоа од глава ебавајќи се живо наоколу.  МОТО: Да а ебам мамица ти!

ЕБАЧИШТЕ

Со поглед соблекува и претерал се женско у град. Дури и оние со кои не е ни на „здраво“ и кои појма немаат дека он постои. Битно он ги „поминал“. Или другар му. Или и двајцата. А нема да го видиш со некоја. Се дружат исклучиво со машко друштво (најчесто од истиот знак) за да си кажат еден на друг какви ебачишта се. МОТО: Знаеш кој а ебе онаа?

ЗАЕБАН ТИП

Тип што ќе те заеби. Што и да направиш. Не почнувај ништо со него. Ќе те наведе дека можеш да му веруваш и ќе те остави на цедило кога најмалку очекуваш. Ќе те накодоши секаде. Ќе те скара со другарите. Поврзан е секаде. Он е шепот во чаршијата. Сите го знаат а никој не го познава. Толку е заебан. МОТО: Не се забавај со мене!

ГЛУМЕЦ

Нему ништо не му пречи. Се му е таман. Живее совршен живот. Задоволен е од себе и од околината. Се снаоѓа во секоја улога. Се праве дека сите ги сака.  А не е така. Ама не признава. Ќе ти изглуме цело другарство, цела врска, цел живот. У сите жанрови. МОТО: Таман е!

ПРЕВАРАНТ

Овој ќе те продаде. Дури и ако никој не сака да те купе. Пак ќе те продаде. Ако треба и на самиот тебе, ќе те продаде. Од него сам себе ќе се купиш. Ќе заработе на тебе. Чим ти е у близина, те работе. Оти ако нема корист нема ни да ти е у близина. А зина а излага. Продадена душа. На се е спремен. И тебе ќе те спреме. МОТО: Брат, ја не ебам никој друг освен тебе!. 

ПАРТИЕЦ

Виа е длабоко навлезен у политиката. За него светот е црно-бел. Или си вмро или си сдсм. Друго нема. Ако си едното, се што се случува лошо е заслуга на другото. Луѓето ги дели по партиска основа. Едните се добри а другите лоши. Кои се „едните“ а кои „другите“ зависи од неговата лична партиска определба. Дали си „наш“ или „нивен“. МОТО: зависи од мотото на неговата партија. 

НЕСАЛАМ
Нему се му е заебанција. На најсериозни теми он смислува шеги. Кога сите се повлекуваат, он ризикува и тера понатаму. Може да постигне многу а и да изгубе се. Шизик на ризик, шо би се рекло. Делува несериозно, ама делува и тоа како! МОТО: И шо сеа, да го ебам?!

НЕ СУ ОД ТУА
Он ништо не знае. Он сеа дојди. Он не разбрал така. Него не го интересира тоа. Никој не му кажал. Не видел ништо. Делува нереално колку е изгубен у простор и време. А само се прави така, точно знае кај е и шо се дешава. МОТО: Не знам ја, не бев тука.

Трансфузиологија Македонија

Македонија е во криза. Нарушена и е демократската крвна слика. Се манифестира со граѓанска апатичност, општа слабост во расудувањето, аритмија во НВО секторот, повремени затемнувања во медиумите, па дури и несвестици на здраворазумската перцепција како и изразито бледа револуција. Не дека и фали боја во образите, со евтина поликолор шминка се прикрива тој показател на анемичната состојба на државата ни. 

Непочитувањето на препораките од матичниот лекар доведе до специјалистички упат. Дојдоа интернисти. Востановија дека за подобрување на ситуацијата неопходна е трансфузија на крвта демократска. Ама за да биде успешна трансфузијата, мора прво да се опредили која крвна група е пациентот. Излезе дека ова е необичен пациент кој нема своја крвна група.  Има траги од сите ама ниедна која може да се нарече „своја“. Компликација левел безнадежно (не ОНАА  словенечката „надеж“, таа еволуира). Па ги седнаа четирите крвни групи ВМРО-ДПМНЕ, СДСМ, ДУИ и ДПА да се види како ќе се реши проблемот. Мора да се определи која крвна група од која прима а на која дава подршка, со која има заеднички антигени а со која спротивни. ВМРО-ДПМНЕ дава на ДУИ и на СДСМ а прима и од ДУИ и од ДПА. СДСМ дава на ДУИ и на ДПА ама не дава на ВМРО ДПМНЕ а прима и од него и од ДУИ. ДУИ дава на сите, ама не прима само од ДПА. ДПА прима од сите а дава само на ВМРО-ДПМНЕ. Тешка шема за решавање. Судоку мастер левел. Состаноци, договори, преговори, олеснувачи, стешкувачи... и готвачи - се Пржат крцкави договори!

А никој не го зема во обзир RH  факторот. Народот. За негово определување потребни се избори. Да се види за кого е позитивен а за кого негативен фактор. Нема полоши последици од избор на крвна група без определување на RH фактор. 

Tragovi od blog.com.mk

Slucajno naletav na stariot domein na makedonskata blog platforma i se iznenadiv - nekoj go ureduva i dava opisi za odredeni blogovi koi egzistiraa tamu. Prijatno se iznenadiv koga go procitav ova:

Address of subdomain: oksimoron.blog.com.mk

This blog was owned by Veronica, who was located in Kavadarci, Macedonia.

I was taught never to begin conveying a message with an apology, as I detail about the content which was published on this blog previously, I’ll start with a confession. When I began working on this subdomain, I was simply appalled! The content published on the domain was nothing but an unending rants and tirades directed towards failed government institutions and the government itself. The owner of the blog must have been mad about the way ‘business’ was done in Macedonia.

I must applaud the blogger because she upheld the principle of an expositor and considered herself responsible to declare and condemn the evils deeds that were common in the government and institutions of Macedonia at that time (sometimes back in 2006 – 2008). And, through her unique way of mirroring the awkward situations and events that were happening then, and her artistic manner of putting it all together in published blog posts, the results were a fascinating blog which wasn’t just an eye opener, but attracted a good number of readers who were concerned by what was happening in their country.

Actually the name of the blog oksimoron is borrowed from the English word Oxymoron, which in literature is a term with contradictory words or elements. For instance when we talk about “fresh frozen fish” then that is an oxymoron. If the fish is frozen, then it is not fresh and if it is fresh, then it is not frozen. Other examples would include “bitter sweet”, “open secret”, “sweet agony”, “wise fool” etc.

Basically, oxymorons are used to make a situation seem awkward and ridiculous at the same time. The reason for making situation look like that by using oxymorons on the blog was to create some drama because of the conflicting roles that various institutions in Macedonia had as they tried to balance civil service and their greed for power, corruption and reckless & negligent abuse of office. This in turn evoked mixed reactions from the citizens who expected public servant and leaders to uphold their oath of office and work towards making the country much better and prosperous than harboring individualistic & materialistic concerns in their mandate to exercise their responsibility.

Below are some of her other posts with obvious tirades:

Open-Closed Questions

Through institutions and outside of them, stretch numerous controversies about the problems in the country. They use a variety of terms and phrases for pictorial and (probably) scoring conclusions. But somehow it seems that they have recently lost creativity in this field. Some phrases are constantly being repeated. Very popular are “the numerous issues” (well, we know problems never end, there must be issues) and their opening and closing. For illustration:

Once an MP raised the issue of eavesdropping and publishing negative content about the government operatives, which opened countless of sub-issues that required the establishment of a commission to close them. The questions, of course. A wise politician said that if you want to solve a problem – establish a committee to deal with him. So while there is still no established commission, the question stands open.

With a slight delay compared to other post-communist countries, and here raises the question of lustration. And this question can not be taken as a whole – has a bunch of sub-issues. How, who, why, when, whether? So it required modules for precise determination of parameters in defining the target group to be covered in this issue. Again Commission. At the meantime, the question stays open. Closed raft files in the Archive. But, logs are still opened.

Also repeatedly opens the question of dialogue between the majority and opposition. What previous failed (or refused) to answer during their reign, when it had the opportunity to, now ask as a matter of current info. They talk but not negotiate. It requires consensus on various concepts of action. Aligning paragraphs. If it was so useful unanimity in decision making – we had a good party system, eh? Mother demanded democracy and pluralism, when we are unable to cope with them ?! We fail to accept diversity as an incentive to move. Just create new situations in the old problems. We open dilemmas and problems. Dialogues.

Open standing issue of ambassadors. Up until this issue is of such questions by circling the answers. There is the option of choice – A, B or C. Nothing easier. But, B or C does not want the answer to be under A.

However, the most thing which makes me standard, is the commonly used statement of Interior Minister – “Interior Ministry will take all necessary measures within their authority to close all open questions.” Heart, good heart indeed- closure of all ‘unnecessary’ business. And well it does.

With so many outstanding issues in the country, we are constantly exposed to the draft’s. Blows from all sides. There is no logic in this place.

Here is another piece of her work which elicited mixed reactions

A Dysfunctional World

Feature- Officials- Operatives- Functionality

Seemingly quite simply derived words but relate and can be attached to one another in quite a logical sequence. But is it really so?

The word “feature” here is usually associated with a certain position in the system Society; the higher the position the greater the function. In simple physics weight is determined by the height and size (something referred to as density) hence the need for thicker features in order to have s strong system in the society.

Basically, most government institutions require strong people to carry out the said mandate. These areofficials. Due to the weight of the said term, they must possess appropriate and specific personality characteristics to be carriers of the same. The function itself does nothing (though it can with the help of another adjective) but until then it is just a plain noun which is general in nature.

Official(s) is also a noun, but with a personal suite. So, we have a function, we have official. But does itwork?! Do we have the verb here? Of course we do.

To have a feature and to be an official does not mean automatically that function. Each feature brings with it benefits and responsibility. It is impossible to accept one and the other rejected. The benefits are in the service of encouraging action to achieve results. Officials who needs to given powers to move things and achieve results from their actions need to work, meaning that they must be very functional. However functionality is an adjective deserves a noun to activate a verb.

I have no idea why the situation in the country are defined as complex, when using only simple to complicated sentences to describe what goes on in many public offices. It must be some kind of dysfunction.

Blagodaram!
eve gi i linkovite za originalnite tekstovi - Фразеологија i  Дисфункција

Рестартирање

Чекирај се во 8:30 и потоа пак во 16:30. Во меѓувреме немој да размислуваш, не е во опис на работно место и задачи. Исклучи го мозокот и вклучи го компјутерот. Движи се помеѓу мноштвото работни апликации со различни кориснички имиња и пасворди. Немој некогаш да заборавиш некое од нив. Нелогиран – неприсутен. Спроведувај инструкции и наредби. Не барај логика, не е твој домен – немаш пристап. Не греши, биди прецизен. Не постои техничка грешка. Ниту грешка на системот. Секоја грешка се третира како лична, намерна и со умисла.  Не губи време за самопроверка. Не е предвидено а немаш ни дозвола за тоа. Секое двоумење представува показател за нестручност. Во секој момент можеш да бидеш повикан за одговорност. Таа ти следува повеќе од платата. Фактот дека многумина немаат можност за плата нека ти биде мотивирачки елемент за опстанок. Заборави на инстинктите. Внимавај на камерите. Големиот брат пази на тебе. Љубезната насмевка е дел од униформата. Носи ја прописно и уредно. Ништо не боли. И кога боли – ништо не ти е, добро си!

Семејството – општествена клетка со детерминирани општествени правила. Со точно дефинирани особини на членовите и нивни  меѓусебни релации. Надградени и контролирани воспитни мерки, врамен образовен процес, катастраски исцртана сопственост и куп хартии на институционалниот поредок.  Права и обврски за интеграција  во системот.  И редовни сметки за одржување на истиот.  Се во служба на твоја заштита и сигурност.  Насмеани лица на маж, жена и неколку деца во зелено дворче пред семејна куќа. Постер на билборд за нова кредитна линија од некоја банка.

Како дел од потрошувачко општество купувај, троши!  Ти заслужуваш да си го дозволиш тоа. Целиот систем се храни и облекува со тебе. Само редовно плаќај сметки.

Следи медиуми, биди информиран за се она за што тие сметаат дека треба да бидеш информиран. Пермаментно учи, надоградувај го своето знаење по утврден принцип и област. Сите восприемени податоци ќе бидат применливи некогаш. Ќе ти кажат кога. Ќе го вклучат копчето. Чувај ги неоштетени за да не ти се блокира системот тогаш. Не мачи се да креираш приоритети. Некој друг го направил тоа за тебе. Биди благодарен. Биди среќен. По дифолт.

„Немој, ме повредуваш. Зошто го правиш тоа?“ – прашува роботот.

Додека од една страна се прави обид да се создадат машини кои ќе изгледаат, ќе размислуваат и чувствуваат како луѓе – од друга страна успешно се програмираат мислите и чувствата кај луѓето.

Науката се обидува да создаде роботи со чувства.  Општеството луѓе без чувства.

п.с. објавено на http://oksimoron.blog.mk на 

јули 14, 2010 13:46

Коментари:

1. „Науката се обидува да создаде роботи со чувства. Општетството луѓе без чувства.“
   вистина…
   поздрав… 
     prezviterkozma — јули 14, 2010 @ 14:00
2. сите ние среќни под светлината на вештачката месечина..
     kihuПотру — јули 14, 2010 @ 14:25
3. епа колешке!?…епа!…епа колешке?!
   епа…стај се` на USB-то и отвори со нова верзија
   која е у подготовка!  
   п.с. да не знаев, ќе се чудев: шо пишуе ВАА? 
     batadjango — јули 14, 2010 @ 15:49
4. изрецитирано, како на метроном. сум заборавил колку е моќна кратката реченица.
     ribaro mk — јули 14, 2010 @ 15:56
5. Рестартитање!
   Токму тоа е она што ни треба на сите одвреме на време. 
     effo — јули 14, 2010 @ 17:55
6. Презвитер Козма,
   обратни општествени науки 
   поздрав
   Киху Потру,
   …на металната планета која сјае од одсјајот 
   Бата Џанго,
   е па колега, е па шо! ВАА е на одмор 
   викаш, надградена и проширена верзија ќе има?!  )
   Рибаро,
   како на метроном… машински, роботски стил 
   инсистирањето на концизност ми е маана која се обидувам да ја претворам во доблест )
   Еффо,
   рестарт, до следното блокирање 
   или до следната надградба на системот 
     оксиморон — јули 15, 2010 @ 11:08
7. Одамна те немаше… да не беше на форматирање?
     partik — јули 15, 2010 @ 12:06
8. Партик,
   ми блокира системот…
   Ако нема фајде од рестартот – форматирање му е мајката! 
     оксиморон — јули 15, 2010 @ 15:24

Ток Шоу – Дуел со Бранко

Лидерот на опозицијата бара ТВ дуел со лидерот на позицијата т.е. премиерот на РМ. Бил подготвен да разговара за се‘ за да можел народот да процени кој е во право. Мора да се признае -  добра самопроценка направил . Освен ефтина забава од типот на Ток Шоу-а, друго ништо и неможе да му понуди на народот.

Народот проценува на избори Бране. А резултатите од последните 3-4 изборни цуклуси ги знаеш. Проценет си.

Затоа батали политички пресметки, ионака си пензиониран на тоа поле. И официјално. Но, со оглед на твојот талент за Дуели, сеуште има надеж за тебе. Штета е да пропадне таква вештина. Ти си добар лидер. Водач. Водител. Кога ќе се спои тоа со желбата за ТВ Дуел, би се добила одлична комбинација – водител во Ток Шоу „Дуел со Бранко“!  Секоја недела во петок навечер. Додека на А1 оди „Опуштено“ со Тони и Део, на Сител „Кој те шиша“ со Жаре Бербер, на Канал 5 „ Миленко шоу“ а на Македонската телевизија (прва програма) „Гласот на народот“ со Томич – на Алфа ТВ нека биде „ Дуел со Бранко“ .  Изедначена борба за гледаност ќе биде тоа.  Ако се избалансираат добро рекламите (со меѓусебен договор, де) ќе може човек да изгледа барем две Шоу-а во исто време.

Кога веќе споменавме реклами, секое квалитетно Ток шоу има и квалитетни спонзори кои се рекламираат во истото. Додека „дуализираш“ со гостите, ќе си пиете Скопско пиво а гледачите ќе имаат шанса преку СМС да освојат награда – „краток курс за шверцување“ или „обука за брза приватизација на 2 години со законски пречки“.

Ма, ќе биде тоа хит шоу! И ти во елемент. На елементарно ниво. Во македонскиот политичко-забавен периоден систем.

п.с. објавено на http://oksimoron.blog.mk на 

март 17, 2010  10:17

Коментари:

1. filip22 вели:
   март 16, 2010 на 10:00 pm
   partik-Ама ти си јанлаш.Погледај на ХТВ имаш секоја вечер дуели меѓу позицијата и опозицијата,на било кое ниво.Кој бега од дуел значи нешто крие или нешто ќе прави што не е во ред.
   Што се однесува за поларизацијат и тука си јанлаш.Вистна дека таа е строга и контролирано но,ако ги погледнеш анкетите ќе видиш дека Премиерот е далеку над сите,неговата партија е далеку нада сите напред.Само тоа навидум е така,ова се случува некаде во 4о-45% од анкетираните,останатите 55-60% се или неопределени или незнат дали ќе гласаат.Тоа значи дека неутралното гласачко тело ја определува власта.Ове е сериозен проблем за позицијата и опозицијата.Е затоа се потребни овие директни судири пред јавноста на опозицијата и позицијата.Никој никого не смее да потцени,бројките на анкетите не го кажуваат тоа,на никого местото не му е гарантирано.На секоја енкета процетот на неопределените и тие што нема да гласаат е се поголем.За тоа изгледа дека оваа влада не е свесна.
     filip22 — март 17, 2010 @ 10:53
2. Во секоја нормална држава има телевизиски дуели помеѓу власта и опозицијата. Само кај нас власта бега од соочување.
     anakondor — март 17, 2010 @ 11:25
3. Треба да е јасно, како бел ден, дека сите кои се залагаат да НЕМА дуел од било каков вид, се уште поголеми плачковци и пи*ки од самиот Грујо. Грујо си тера сеир, си се полни пари, а вие тука како некои будали се трудите да му го оправдате стравот.
   Па дури и јуначки сакате да изгледате. Жалосно.
     Barabbas — март 17, 2010 @ 12:37
4. EPA TVOJOT MIL GRUJO ODI NA TOK SOUA, A NE SE POJAVUVA NA DUELI, POSTO NEMA DA ZNAE KOJ KRAJ DA GO FATI, NEMA ODGOVOR ZA SVOJATA LOSA POLITIKA I ZA SE STO NAMERNO MU PRAVI NA MAKEDONSKIOT NAROD, KAKO GO OSTAVA DA GLADUVA A TROSI 200 MILIONI EVRA ZA SPOMENICI I SLICNI GLUPOSTI
     realnost — март 17, 2010 @ 13:46
5. Diktatura ili Demokratija,granicata e tenka a Gruevski veke e dlaboko navlezen vo apsolutizmot,gi srusi site opstestveni standardi i vrednosti,neznam kako zaspiva,verojatno lesno zatoa sto zivee vo svetot na bajkite kade se e ubavo i nisto ne se slucuva dodeka negovite glasaci se prevrtuvaat vo krevet so prazni stomaci.Branko znae sto e odgovornost i e podgotven da zbori otvoreno i javno,dali Gruevski ke sobere hrabrost i da izleze na tv duel ostanuva da vidime?!
     karenasun — март 17, 2010 @ 13:54
6. Во кое време е глаголот „ќе работиме“?
   Идно време.
   Во кое време е глаголот „размислуваме“?
   Сегашно време.
   Во кое време е глаголот „дебатиравме“?
   ИЗГУБЕНО време.
   Ме заболе мене увото за дуели и муабети и мерења на кого му е поголем ораторскиот капацитет.
   Дела, а не зборови.
   На таа тема, еве мој пост „Сите дебати се потполно бескорисни“:http://blogatash.wordpress.com/2010/01/08/♦-сите-дебати-се-потполно-бескорисни/
     Богдан, Нено Богдан — март 17, 2010 @ 14:36
7. Денеска забележав дека последните два
   поста на блогот Оксиморон се полни со клевети кон мене.Во првиот
   пост „Евро Македонизам“ Вероника не го спомнува експлицитно моето име,
   но клевети дека „Граѓаните за Европска Македонија“ одработуваат некаква
   агенда за лицето БЦ.Баш ме интересира Вероника, како лично би
   … се почувствувала ако некој без никакви аргументи јавно те наклевети
   дека си била изнајмена за да одработиш за нечија политичка агенда?
   http://jasnesumjas.blogspot.com/2009/03/blog-post_3612.html
   a so argumenti?
   http://www.youtube.com/watch?v=lfMlBz4WwrA
     шербет — јули 7, 2010 @ 12:22
8. Напишал пост „Сите дебати се потполно бескорисни“ и оставил отворени коментари – да се дебатира околу тоа ….
      
   А околу Грујо, па он нема потреба да дебатира – има висок рејтинг.
   А за невработеноста нека си дебатираат невработените …….
     vmoroid7 — јули 7, 2010 @ 12:59
9. Шербет, овие на Милчин дружината изгледа се удрени со мокор чорап или се такви од роџење 
     1979 — јули 7, 2010 @ 14:00
10. Пензионеров се *уработи* супер па уште на ТВ да го гледаме!
    Инаку признавам дека е шоумен, докажано, ги акаше Македонците, со години, по керамиди.
      maat — јули 7, 2010 @ 14:54
11. шербет
    http://www.youtube.com/watch?v=E28lyHfinuI&feature=related
    и
    http://www.youtube.com/watch?v=kTYoa-i_aCo&feature=related
    па
    http://www.youtube.com/watch?v=5LPepT3gvn8&feature=related
      шербет — декември 21, 2010 @ 17:12

Наше, а светско!

Македонската жена е модерна жена. Има француски маникир и бразилска депилација. Чекори во италијански чевли, а вози германски автомобил. Учи да игра аргентинско танго. Сонува американски сон. Се негува како египетска кралица.

Македонската жена е и вешта жена. За свечености редовно приготвува руска салата и морски специјалитети,  па ги сервира на шведска маса декорирани во јапонски стил. Засладува со швајцарска чоколада и тирамису. За интимни вечери подготвува лазањи или шпагети Болоњезе.

Се интересира за уредување на домот според Feng-shui. Тајно пазари во кинески шоп.

Македонската жена е горда и еманципирана. Празнува 8ми март со шопинг во Солун. Нејзе грчката политика и е шпанско село. А таа сака шпански серии. Пие турско кафе додека ги гледа. Додуша, во последно време има замена на потеклата на кафето и на серијата. Но суштинска разлика нема.

Македонската жена е светска жена.

Жена со големо Ж.

Спорна е само придавката пред него.

п.с. објавено на http://oksimoron.blog.mk на 

март 1, 2010 23:03

Коментари:

1. Македонската жена ако е вработена зема најчесто африканска плата со која не може да си дозволи да оди во финска сауна 
     Блогдан, Нено Блогдан — март 2, 2010 @ 02:21
2. Нено,
   башка, излегува во ирски паб а негува англиски хумор 
     оксиморон — март 3, 2010 @ 14:22
3. А ако мажот и се врати пијан дома од некое грчко узо или шкотско виски, ќе го прати да спие во дворот или во гаража, и тоа на полски кревет!
     Нено Богдан — март 3, 2010 @ 17:07
4. Eh taa pridavka …
     Zobl — април 24, 2010 @ 00:44

Поддршка со задршка

Се тешка интелектуала наоколу….

Влегуваш во WC по повик на мајката природа и застануваш пред писоарот. И ете ти одма до тебе некој  паметњакович. Те гледа и упатува забелешка дека накриво мочаш. Погледнуваш надоле и констатираш дека навистина има мало застранување! Ама, сепак, останува во рамките на писоарот. Типот до тебе почнува со експертиза дека треба да се насочиш правилно, да вдишуваш преку нос а издишуваш преку уста, да вовлечеш стомак, нозете раширени на прецизно растојание, да го држиш под „тој и тој“ агол….  Слушаш, слушаш и – сфаќаш дека ти треба помош. Види шо убаво објаснува човекот, сигурно знае како треба. Па логично ти доаѓа прашањето: „а да го подржиш малце?“ И, експертот интелектуално се навредува!!! Те напаѓа вербално „гони се бе педер!“ А ти само си побарал практична демонстрација на тоа што тој теоретски го образложува. Без никаква задна/предна/странична намера.

Толку многу експерти наоколу кои знаат и умеат се‘,  а не сакаат да дадат поддршка на владата….. од чиста суета! 

п.с. објавено на http://oksimoron.blog.mk на 

јануари 26, 2010 22:55

Коментари:

1. Пак ли ги даваа изродите, пардон “експертите“ на грчката телевизија А1?
     1979 — јануари 26, 2010 @ 23:17
2. Хаха…ја прво прочитав запршка, а тоа било задѓка, ама неќе да го држат а?
   Во врска со политиката
   сега се ми е онака сатирично… )
     medeno — јануари 26, 2010 @ 23:24
3. ајдее… треба да стои задршка…ама многу ситно
   тука во простров за коментари
   така пишувам…отпролика…
   ај шаша и Розе…хаха
     medeno — јануари 26, 2010 @ 23:25
4. Наврти му го и решен проблем. Дури и нема да се навреди, ќе остане со вилицата на земја.
     Barabbas — јануари 26, 2010 @ 23:29
5. Добро ти е ова, браво.
     evitra — јануари 26, 2010 @ 23:29
6. Браво,интересно,сигурно луѓето уживаат во твое присуство
   ако и разговараш така како што пишуваш…
     novajlija — јануари 26, 2010 @ 23:35
7. Окси МА, шо навлегуеш у мушка интима??
   Сакаш ја да напишам пост за улошки??…со крилца!    
     batadjango — јануари 27, 2010 @ 12:25
8. 1979,
   пак… од позиција на министер за надворешни работи не умееше да го реши спорот со соседот, ама сега од позиција на експерт – се‘ знае! 
   медено,
   хахаха, па и запршка не е грешка – ова експертите какви манџи прават, ехе!
   сатирата ни го одржува духот 
   барабас,
   има еден виц за ловец и мечка… пукајќи ја промашувал а таа за казна го сексала. И тој упорно се обидувал секој ден да ја погоди, а таа го „онадуела“(троа локално изразување, де). Еден ден му рекла – „а бе, ти на лов идеш или на секс?„
   така и експертиве…. колку и да ги навртуваат – пак се враќаат по уште  
   евитра,
   мило ми е што ти се допадна 
   новајлија,
   во една канцеларија, под стаклото на масичката стои лист хартија на кој е испечатено:
   „Во оваа просторија секој носи задоволство. Некои со своето доаѓање а други со своето заминување“
   Така и ја. Некои уживаат а некои не 
   Бата Џанго,
   ами нели рамноправност, ова-она, де?! 
   ете, ја не замерувам – пиши ти за влошките. И со крилца и без. Самолепливи или не. И ултра тенки и ултра впивливи. Со гел или без него. Секојдневни или специјални. Со две или четири крилца. Видиш колкав избор имаш. Ајмо влошки народе! 
   Сепак, би ти препорачала да ги земеш во обзир и тампоните. Знаеш… современ, динамичен живот денешен. Има еден добар афоризам за нив: „кога мажите би имале менструација – би се фалеле со големината на тампонот!“ 
     оксиморон — јануари 27, 2010 @ 18:25
9. Група независни експерти се возеле на велосипеди надвор од градот. Во еден миг, едниот од нив застанал и се симнал од велосипедот.
   Еден експерт рекол: „А бе изгледа на овој му пукна гумата“
   Друг експерт на тоа возвратил: „Не бе, не е тоа, јас мислам дека гумата му пукна“
   Трет експерт вели: „И двајцата грешите, зарем не гледате дека гумата му пукна на човекот“
   Тој што бил на велосипедот се свртува кон група експерти и вели: „Луѓе, ми пукна гумата!“
   А целата група одговара во хор: „Фала богу што е само тоа, а замисли гумата да ти пукнеше!“
   Освен еден од експертите кој во себе мудро заклучува: „Колку се само глупи луѓево, знаев јас дека гумата е пукната, ама кој ме слуша мене“
     Богдан Н. — јануари 29, 2010 @ 17:25
10. Време : Одамна
    Мeсто : 40хх
    Тема: Зошто писоарите се ниско поставени
    Не, не дека се ниски колегите, туку многу им биле се ‘дугачки’ … 
    Тоа небило ништо, сега им се тооооолку дугачки сто пишкаат само ако има чучавец  ))
      Нешто — јануари 30, 2010 @ 23:20
11. Нено,
    тоа ти е „експертско“ н(и)во на комуникација. 
    Нешто,
    велиш, поради трансформација на грото од колегите, писоарите се веќе надвор од употреба? Ќе треба да ги распишеме у следниот попис на инвентар 
      оксиморон — јануари 31, 2010 @ 11:32
12. Многу ми се допаѓа…тешко ми е да прифатам. Навистина постојат, за жал се множат.
      Ивана — февруари 6, 2010 @ 16:32

Све ќе то мила моја прекрити рузмарин, снегови и шаш…

Во 2000та година, кога се отворија архивите и секој имаше можност да побара и добие информација дали за него се воделео досие од службите за безбедност (и да го добие истото доколку постои), имав можност да разгледам едно. Досие на личност која по професија беше лекар. Велам „беше“ зашто таа личност повеќе не е жива. Но досието сеуште го имаат неговата ќерка и внуци. Во него еден дел од имињата на информаторите беа прешкртани со црн фломастер, но еден дел беа оставени. Меѓу тие читливите, беше и името на еден негов колега лекар. Во времето кога човекот ми го покажа своето досие, „информаторот“ беше инволвиран во политичкиот живот на локално ниво. Сега е пратеник во собранието на РМ.

Деновиве читам за првичните резултати од работата на Државната комисија за спровдување на лустрацијата. Долго најавуваната и подготвувана лустрација, надуена како шарен балон – ја покажа својата празна внатрешност. Хелиум за создавање на смешни изјави. Од досегашното истражување, Комисијата не успеала да најде ниту еден податок за инволвираност и соработка со службите за безбедност во минатото кај голем дел од актуелните избрани функционери. Истражувањето им се базира на досиеја дадени на увид од Државниот архив и органите на Државната безбедност на РМ. Ме интересира дали досиејата кои и се на располагање на Комисијата за вршење на нивната работа се исто така со прешкртани имиња или членовите на комисијата имаат увид во оригиналните? Која е смислата на истражување доколку се работи за досиеја во кои најважниот елемент за функционаност на комисијата е под црн фломастер? Гол формализам. Бараме да не најдеме. Или ќе почекаме да се изумат ренген наочари кои гледаат напишано под фломастери.

Владата го поминала тестот. За младите избрани функционери нема сомнеж, но што со постарите? Оние кои со децении наназад биле и тоа како инволвирани во општествениот живот? Во време кога точно се знаело кој со каква дејност може да се занимава и каков бил принципот за кариера?

Чекам да заврши истражувањето во однос изјавите на пратениците. Живо ме интересира дали личноста спомената во почетокот на текстов ќе излезе „чиста“. И уште колку „чисти“ како него има, за кои не знаеме?

Затворите ни биле полни со политички затвореници, архивите полни со досиеја, општествено-политичкиот напредок „генетски кодиран“ и наследен низ генерациите…. ама кодоши нема! Освен во народните песни. Како етно елемент. Со тек на време и тие ќе се едитираат. Почнува ребрендирањето…

п.с. објавено на http://oksimoron.blog.mk на 

јануари 17, 2010 16:09

Коментари:

1. И мене ме интересира,не заборавај да ни кажеш.
     Charlotte — јануари 17, 2010 @ 18:00
2. Некои познавачи велат дека некои досиеа се сместени на `сигурни` места, некои се уништени, некои се чуваат во Белград… можеби и на некое друго место… па, веројатно – ако излезат – ќе излезат имиња на некоја `ситна боранија`. Острицата не зафатот е отапена…
     sbepot — јануари 30, 2010 @ 09:20
3. Те држиме за збор,кој е тој пратеник? 
   Не гледам причина барем тука, на блог да се каже неговото име.Фамилијата на кодошениот не верувам дека има нешто против.Pozz 
     effo — јануари 30, 2010 @ 10:41
4. Шарлот,
   веројатно ќе има повторно прес конференција кога ќе завршат со истражувањето во однос изјавите на таа таргетна група, де. Ќе почекаме, ќе слушнеме 
   Ѕвер,
   оние кои ги добија своите досиеа би требало да и помогнат на комисијата со доставување на копии доколку во нивните досиеа како информатори се имиња на актуелни функционери. Боранијата е заради црните фломастери. Доколку комисијата има пристап до досиеа кои не се „боени“ и постапува совесно, бескомпромисно – постои надеж дека лустрацијата ќе се спроведе успешно. Во спротивно…. ќе добие димензии на маскенбал! 
   Ефо,
   Има повеќе од доволно информации во постов кои го откриваат идентитетот, без сувопарно кажување на име и презиме.
   Не знам какви изјави имал потпишано кодошениот при подигнувањето на своето досие, не би сакала да ја ставам во незгодна ситуација неговата фамилија. Само би ги посоветувала да соработуваат со комисијата доставувајќи докази. 
     оксиморон — јануари 31, 2010 @ 11:52

Следееечи!

Откако се ослободија од пушачите, поборниците за чист воздух и здрави бели дробовија ја подготвуваат следната фаза од својот план за елиминација на загадувачите.  На многумина им сметаат издувните гасови од автомобилите. Во изработка е предлог закон за забрана на возење автомобили низ градовите. Ограничување на нивната употреба во почеток само на одредени улици, а потоа и целосна забрана.

Можеш да си купиш ама не и да возиш.  Ќе се одстранат белите линии од улиците. Целиот град да биде пешачка зона. На влезовите во градовите, веднаш до таблата за добредојде ќе стои табла со прешкртан автомобил.  Забрането.  Автомобили само на автопат.  И тоа,  на километар одалеченост од градот.
Задолжителна кампања со сликовит опис што им прават издувните гасови на белите дробови. И налепница со предупредување на секој автомобил.
Важи и за мотори, автобуси, камиони....

Се шушка дека после овој закон ќе се испитува и употребата на полиестерот во ткаенините за потребите на кампањата по повод законот „само чист памук“.

Во најголема тајност се правело и нацрт закон за забрана на капење во реките и езерата (океан немаме на жалост... или среќа :)  ) за да се спречи нивно загадување од човекот.

А јас во пуста луда надеж дека ќе се најде една забрана и за рекламите во филмовите.

Пред да се  самозабраниме како човечки суштества...

Здравје!

Ма колку нездраво и да звучи.

п.с. објавено на http://oksimoron.blog.mk на 

јануари 4, 2010 21:36

Коментари:

1. „да се самозабраниме како човечки суштества“ … види можи на прв поглед е нездраво … али тоа е за наше добро и доброто на идните генерации …  …
     gocajaska — јануари 4, 2010 @ 21:47
2. пази, еден Загреб, но и еден куп Европски градови имаат лепенки за тоа кој може да вози низ центарот, ако не си кружиш!
   Јас, не сум да се забранат коли, али може да се воведе стандард, а тоа значи застава, фичо, југо, лади, тарабанти, шкодилаци, стари мерцедеси и слично бај бај! Иако џабе сево ова додека не и шлапнеме и минимум стандарди на ОКТА.
   Али ако …нек се среди …па нели пекаме за Запад? Ете запад!
   
     alek_careca — јануари 4, 2010 @ 22:01
3. Од извори блиски до владата дознавам дека се подготвува нов закон- ЗАБРАНА ЗА КОРИСТЕЊЕ ПРЕЗЕРВАТИВ, кој ќе придонесе за зголемување на наталитетот… Лица со посебни овластувања ќе имаат право да вршат проверка дали се спроведува законот на дело, а казните ќе бидат драстични. Ќе се казнува лицето што го употребува презервативот, како и лицето што дозволило акт со презерватив. Презервативите и натаму ќе бидат во продажба, но не смеат да се користат за таа намена за која се произведени.
   Поздрав и среќни празници. 
     partik — јануари 4, 2010 @ 22:03
4. шо им фали на кинезите шо си одат со точаци?
   Оксиморон, не е финтата задоволство, не е финтата шо нас ни одговара, финтата е да ја задржиме планетата, а со издувни гасови само и го скратуваме векот 
     zlatev — јануари 4, 2010 @ 22:30
5. Партик
   ке ја натераат пазарна инспекција при увоз на презервативи со игла да ги дупчи еден по еден. Тоа е еден од посигурните начини дека нема да има злоупотреба.
     andrej — јануари 4, 2010 @ 22:30
6. andrej , може и така…на тој начин ќе се намали небработеноста. Неколку лица ќе дупчат презервативи, а тајните агенти ќе се повеќе…нивниот број како и идентитет ќе остане во тајност.
     partik — јануари 4, 2010 @ 22:34
7. Гоцајаска,
   се е тоа за доброто на идните генерации… ако ги има 
   Алек,
   ја сум и да се воведат стандарди – само луѓе со висина од 175 до 190, тежина од 60 до 80, складни црти на лицето и здрави насмевки да смеат да шетаат низ центар на град. Сите други по споредни улички или нека седат дома  
   Ние стремиме на запад ама и преку запад више!
   Партик,
      
   Многу е добро ова! 
   Ете, знаев ја дека уште некој таен закон се спрема. Благодарам за инфото, баш си другар!
     оксиморон — јануари 4, 2010 @ 22:35
8. Партик
   кога СДСМ го донесе оној глупав пропис декларации да се лепат во бесцарински складишта настана комплетен хаос. Сите ја отпакуваа робата лепеа налепници па ја пакуваа. Се тоа беа вонредно вработени, зашто тоа траеше и по неколку дена. Кај мене имаше четири млади деца кој по цел ден лепеа по царински складишта налепници, ситна роба и многу налепници. Не кошташе ѓавол ипол таа егзибиција на СДСМ, ама јеби га кога се носат одлуки без консултации.
   Така и ова. ке се вработат луѓе за дупчење а тајните агенти ке ги распоредиш кај вулканизери да не ги лепат пак кондомите.
     andrej — јануари 4, 2010 @ 22:37
9. андреј,
   одма се гледа кој има контакт со пазарни инспекции при увоз 
   сите цаки им ги знаеш бре!
   Така се спроведуваат закони, на сигурно и со посветена работа од сите служби 
     
   златев,
   се согласувам со тебе, автомобилите се на ред сеа 
     оксиморон — јануари 4, 2010 @ 22:37
10. А после може да си направат договор со фирмата од која увезуваат да се дупат презервативите фабрички пред да се испорачаат, за да се избегне застојот тука 
      оксиморон — јануари 4, 2010 @ 22:39
11. Оксиморон, јас со државни служби никогаш не сум имал проблем, Имам девиза направи како бараат не се буни ако сакаш да ја завршиш работата. Ако сакаш да тераш правдини никогаш нема работата да си ја завршиш.
    Него Златев, ако имаат намера да ја заштитат планетава тогаш ке треба ова политичариве наши последниве дваесет години кога ке починат да ги запалиме а пепелта преку станицата Мир да ја истурат во вселената. Тие и преку пепелта ке ја загадат земјата.
      andrej — јануари 4, 2010 @ 22:40
12. andrej , тајните агенти со посебни овластувања ќе можат и во спални да се пикаат…
      partik — јануари 4, 2010 @ 22:41
13. А бе Патрик. Па погледај ги денешниве бракови. Пола снашки трудни влегуваат во брак. Мислиш дека во спална го напраиле???
      andrej — јануари 4, 2010 @ 22:42
14. andrej , и по коли по паркинзи и по паркови ќе се проверува…секаде каде постојат индиции дека се користи кондом.
      partik — јануари 4, 2010 @ 22:47
15. Е ова многу е. Ке мора оваа служба сама да се финансира. Ова ке ти биде јаче од Штази. Нашиот буџет ова тешко ке го издржи.
      andrej — јануари 4, 2010 @ 22:50
16. andrej , на почетокот ќе имаат буџет за првата плата, а потоа преминуваат на самофинансирање…Ќе добиваат процент од казните, ќе ги плаќаат по учинок.
      partik — јануари 4, 2010 @ 23:04
17. Ние битно идеата ја дадовме, а владата нека мисли.
      andrej — јануари 4, 2010 @ 23:06
18. Јас само да ти ја честитам новата песна.
    И да ја парафразирам:
    **********
    Кога од мука
    поради туѓите багови
    не ми успеава мигрирањето,
    раскажувај ми за вордпрес
    кој постои таму некаде,
    надвор од баговното поле.
    Ќе ме топли пркосот.
    И нема да свртам поглед
    кога сите ќе свртат грб.
    Со усни садев пцовки
    на мојот стол приседнат.
    Имаше премрзнати емоции
    стуткани пред мониторот,
    пред фајрфоксот да крахира, агејн!
    **************
    Плагијаторството е најголема пофалба 
    Сега се префрлам комплет на друга платформа, ама не тука!
    Од инат!
      Богдан Н. — јануари 4, 2010 @ 23:40
19. Со новиот закон за забрана на пушењето преку ноќ еден добар дел од нас станаа ризична група на граѓани со криминален потенцијал. Веројатно во човечкиот мозок постои некој центар за планирање на криминални активности. И ако не ни бил активен досеа, сега ќе се активира. Стратешко планирање на тема „како да се остане пушач“ со подтема „методи и алати за прекршување закон без да те фатат“.
    Неопходни се стратешки партнери со исти интереси. Пушачи, де. Заради логистичка и стражарска подршка. Па лоцирање простор за спроведување на забранетата дејност. И потоа чистење на трагите.
    А бе, ќе се организираме ние…. природата секогаш наоѓа начин. Еволуција, бре! 
    А за презервативите… најдобро е како шо предлага Андреј, при увоз со контрола од пазаришна инспекција дали се продупчени сите, ако не се – нема одобрение за влез у државава. И зголемени контроли од страна на царина за сузбивање на шверц на непродупчени презервативи 
      оксиморон — јануари 4, 2010 @ 23:44
20. Неноооо,
    враќај се тука и покрај баговите!
    Ми треба пркосот да ме топли!
    И покрај студот во баговното поле 
    ајде, биди другар и придружи се во е-миграцијата 
    (многу добро парафразирање, махер си!)
      оксиморон — јануари 4, 2010 @ 23:49
21. Не јас не сакам овде да седам
    не јас не можам багови да гледам.
    Да гледам блогери смели,
    со изгубени блогови цели.
    На овој нов блогерај
    му велам засекогаш бај-бај.
    Не сака на кирилица да го прими
    мојот никнејм, ко да е крими?!
    Не сака и не сака, а пробав сто пати,
    некој ко да сака Блогаташот да го скрати.
    Знам, има луѓе што сакаат да ме читаат,
    и за нив, за тие луѓе мои да не скитаат,
    штом на нов блог се преселам трајно
    ќе им јавам, ама само ним тајно.
    Блогерајов багови сеуште има,
    и не сака на кирилица да ме прима?
    Затоа нов блог веќе си правам,
    и на Блогерајов, крај засекогаш ставам.
    И ќе светне ново сонце, и ден со нов сјај,
    и ќе имам нов блог, ама никогаш пак на Блогерај!
    Nevermore!
      Богдан Н. — јануари 5, 2010 @ 01:08
22. Ноќеска кога ќе си легнам,место да бројам овци ќе си измислувам закони и забрани…
      novajlija — јануари 5, 2010 @ 01:41
23. Како тргнало,ќе живееме по 100 год,сите здрави и безгрешни…и со празни џебови…А пушачите(во кои спаѓам и јас)…мрш пред врата,нека тресат клинци,нека им врне во кафето…според сите закони за ненарушување на човечкото достоинсво и правото на избор…Поздрав Окси!!!
      lucija — јануари 5, 2010 @ 01:52
24. Илегалата како последно прибежиште за нашата мала порочна слобода… На работа дружење само со колеги пушачи, по кафани јок на кафе, оти кафе без цигара е како да сквернавиш некоа светиња… Поздрав Окси!
      bluziranje — јануари 5, 2010 @ 02:05
25. хмммммм
    а ша да ти кажем.
    мислам дека ова не си ти. од тебе зборува никотинскиот зависник. дали сакаш и твоите деца да се пушачи и зависни на никотин? ако сакаш, научи ги на оваа убаина уште од сега. шо да чекаш да тргнат у средно. м?
    ако те изпровоцираф, изброј до 10, прочитај го постот па пак коментароф е после пуцај ал фтора. батко ми је увек прф. 
    peace
      svabo — јануари 5, 2010 @ 02:24
26. абе никој не спомна нешто за тоа рекламите во филмовите? срам да ви е!
    да кажам нешто за пушењето? што да кажам, се откажав оддамна.
    сега земам здив. чист воздух.
      media — јануари 5, 2010 @ 03:11
27. заборавив линкот да го ставам, нова платформа, тоа ти е.
      media — јануари 5, 2010 @ 03:12
28. Нено,
    за кирилица сеуште се чека укинување на визите за нет, само ти треба биометриски јузер за новава платформа, биди стрплив 
    Ако на нова платформа пак ти се селиш,
    ако и таму багови ко овде те сретат,
    на п‘т далечен пак ли ќе се спремаш
    и в други стр‘ни ли ќе си пребегаш?
    Не, јас не можам делби да гледам
    и не можам инает да терам!
    дајте му биометриски јузер на Нено 
    А дека и да си, јас ќе те читам… ама би ми било подраго да си тука, у близина 
    Новајлија,
    колку изброја? без сон остана гарант! 
    Луција,
    треба да си основаме пушачки клубови. Има шаховски у кои се игра шах, има литераурни, поетски у кои се чита поезија и споделуваат впечатоци од книги, …. нашиот ќе си биде пушачки и во него ќе се пуши! Кому му смета – нека не се зачленува во клубот, бре!
    Блузирање,
    како беше онаа – и ние сме деца на македонија, и ние имаме право да жиивејме 
    Швабо,
    прав си, збори зависникот во мене. Шо да му праам, има право на глас и он – демократија, бе! 
    иначе, моите деца веќе СЕ во средно. И се антипушачи.
    Се местиш згодно ама нема да пукам. Така треси се од грижа кога ќе потегнам  
    Медиа,
    е тоа, де… а колку само живцираат. си се наместил да глеаш филм, сконцентриран, веќе влезен у него и – оп! реклами! @#$%^&*^$%#!@
    
      оксиморон — јануари 5, 2010 @ 08:59
29. пињау пињау
    За сфаки случај, јас прф да си пуцнам
    ете видиш, паметни деци, не тргнале по патеката на мајка им која треба да им е узор. (закачко сум, шо да праам)
      svabo — јануари 5, 2010 @ 10:31
30. Имаше околу 230 спам коментари, бришејќи ги затерав со кликањето и ги избришав и последните два коментара на постов.  Се извинувам поради тоа на избришаните.
    Сега одбрав опција да може да се коментира само логиран на платформава, што не е баш ферски (за оние кои не се регистрирани тука). Постои ли можност да се врати она „докажи дека си човек“ за да би можело да се остави опцијата за коментирање и на нелогирани корисници а да се биде заштитен од спам пораки?
    Или можеби има некоја соодветна опција, ама јас не можам да ја видам и активирам… дајте нека каже некој кој ја истражил платформава подетално  
      оксиморон — јануари 11, 2010 @ 07:59