Рамнотежа

Сврти ја наопаку сликата за ѕидот.
Стави го столот на плафонот, седни и почувствувај ја рамнотежата во просторот.
Не мери го времето. Заеби. Имаме премалку минути, а премногу години.
Навади го виножитото со водата во која ги изми мислите. Нека потечат боите по ѕидот на неотсонуваното.
Едно двоумење падна на бетонските плочки во окото и се искрши во безброј џамлии.....никогаш не научив да играм со нив. Ниту ги разбрав украсните фигури во внатрешноста на стаклените топчиња..
Понекогаш ноќта е подолга од растојанието помеѓу стрелките на часовникот....
Во средиштето на апсурдот се наоѓа логиката. Каде што никој не ја бара. Жонглира чекорејќи по јаже под шаторот на патувачките двосмислености. Зборот е акробат на трапез.

Ако не можеш да ја прескокнеш препреката – сруши ја! И помини преку урнатините пред да падне правта на подот. Не оставај стапалки зад себе.
И...не сум дволична. Не. Само, често спротивна на самата себе.

п.с. објавено на http://oksimoron.blog.com.mk на 5 Февруари, 2007 - 01:46

Коментари:

Типично оксиморонски во секоја смисла  Браво!
(RIBARO 5 Февруари, 2007 - 02:10 | логирај се за да пишуваш коментари)

незнам каде гледаш рамнотежа..
ова бре се наопаку..
со 2-те раце типкаше или моно?..
(vasiot sosed 5 Февруари, 2007 - 03:23 | логирај се за да пишуваш коментари)

Неурамнотежена рамнотежа...убаво.Поздрав. (lucija 5 Февруари, 2007 - 10:47 | логирај сеза да пишуваш коментари)

И јас сум во последно време во потрага по рамнотежа, нова рамнотежа, моја рамнотежа.
Се те разбрав! 
(Natka 5 Февруари, 2007 - 10:56 | логирај се за да пишуваш коментари)

Рибару,
типично атипично е, де ... ама во секој смисол намерно  Поздрав
----------------------------------
Соседу,
какви раце, бе - пишував со домалиот прст на левото стапало 
-----------------------------------
Луција,
не е финта кога некој човек ќе оди од една крајност во друга, туку кога ќе ги допре и двете истовремено - рекол некој мудар човек 
-----------------------------------
Натке,
кога на некој човек едната нога му е во печка, а другата во фрижидер за замрзнување - статистиката би рекла дека неговата просечна температура е сосем угодна 
Батали статистики, биди своја и барај своја рамнотежа 
Ма, се разбираме ние...
(oksimoron 5 Февруари, 2007 - 11:32 | логирај се за да пишуваш коментари)

Ако неможеш да ја прескокнеш препреката, заобиколи ја. Знам дека е полесно да се каже отколку да се направи, но обиди се да најдеш друга патека.
Длабок текст. Биди ми поздравена пријателелке спротивна самата на себе 
И не заборавај, спротивностите не движат.
(Леонова 5 Февруари, 2007 - 12:23 | логирај се за да пишуваш коментари)

екселент ...
(ХулаХопа 5 Февруари, 2007 - 13:17 | логирај се за да пишуваш коментари)

Леонова,
премногу често ја заобиколувам
сега рушам и не се секирам 
А за спротивностите сосема се согласувам
Поздрав 
----------------------------
Хулахопа,
ексел или ворд...битно е да се пише, де 
фала 
(oksimoron 5 Февруари, 2007 - 15:39 | логирај се за да пишуваш коментари)

И ја никад не научив да си играм со џамлии:)
Башка, многу пати сум се фатила у контрадикции и сум се мрзела шо неам поцврст став. Научив да се снаоѓам со мојата нерамнотежа и лабилност. Т.е. некој ми помогна да се снајдам...едноставно веруваше во мене.
Да, патетична сум, шо да праам...
(Gothic-hauzwife 5 Февруари, 2007 - 18:35 | логирај се за да пишуваш коментари)

Gothic-hauzwife ,
секој обид да се биде во рамнотежа со спротивностите во себе, е умствена акробација која бара напор. Мило ми е што си нашла начин, макар и со помош, т.е. со некој верувал во тебе дека можеш 
Понекогаш, кога ти се чини дека е се наопаку, треба да пробаш да се справиш на тој начин - баш наопаку 
(oksimoron 5 Февруари, 2007 - 20:11 | логирај се за да пишуваш коментари)

рамнотежата постигни ја само во себеси, никогаш немој да се урамнотежуваш за другите. веруј не вреди. мисли само на себе, само ти си важна. позз (Natashka 6 Февруари, 2007 - 07:55 | логирај се за да пишуваш коментари)

Natashka,
рамнотежата во нас со нас делува на рамнотежата на нас околу нас 
Поздрав 
(oksimoron 6 Февруари, 2007 - 16:26 | логирај се за да пишуваш коментари)

баланс
(нема што да се коментира)
(all_is_half 6 Февруари, 2007 - 16:31 | логирај се за да пишуваш коментари)

Уште еден од многуте бисери на Окси. Браво аген!
(dr. Max 6 Февруари, 2007 - 18:07 | логирај се за да пишуваш коментари)