Зборот „мафија“ има повеќе толкувања. Според едни означува „мое чедо“ т.е. „моја ќерка“(симболика за создавање на потомство кое се одгледува грижливо, се заштитува додека расте и подоцна го поврзува семејството со друго семејство создавајќи заедничко потомство). Според други е кратенка од паролата на Сицилијанското движење на отпор кон Француските освојувачи (13 век) - „Morte alla Francia Italia anela! (Смрт за Французите од Италијаните!).“ Инаку, многу популарен израз за истиов поим е и „Cosa Nostra“ кој значи „наша работа“ т.е. затворен круг од дејствија за сите кои не се членови на организацијата. А самата организација делува во поглед на сопствено развивање, стекнување на материјални добра на секој можен начин, без оглед на законските прописи. Организиран криминал кој е поврзан со сите клетки на институционалниот систем и ги моделира правилата според сопствените потреби.
Во нашето секојдневие се почесто го сретнуваме поимот „мафија“. Како да не фатила некоја мафиоманија. Така, си имаме Урбана мафија, Медицинска мафија, Архео мафија, Бизнис мафија, Нарко мафија, Шверцерска мафија, Политичка мафија.....ма, мафиозно мафијирано мафијачење. Речиси насекаде. Велам речиси, оти, има некои полиња кои не се опфатени од овој успешен принцип на организираност и делотворност. Кога веќе толку не бива со ова мафииве, дајте нека се формира мафија за економски развој која со оглед на законите кои го кочат економскиот развој ќе делува противзаконски и ќе овозможи напредок на полето на економијата. Може да се формира и мафија за вработување која организирано ќе делува при создавањето услови за зголемување на вработеноста и покрај сите ограничувачки фактори. Па потоа, мафија за евроинтегрирање која нема да потклекне пред ниедни правила за непроширување на унијата, туку ќе делува во насока на изнаоѓање заеднички елементи за поврзување со тоа европско семејство.
Ние од секогаш сме знаеле да ги следиме светските трендови. Ама, тоа го правиме на погрешни начини. Треба напредокот да го забраниме, па белки тогаш ќе ни тргне. Во илегала. Подобро ни оди со забраните отколку со дозволите. Дајте, да почнеме да се организираме како што треба. Па, нека биде тоа и мафијашки , кога веќе тој тип на организираност ни е најуспешно совладан ;)
п.с. објавено на http://oksimoron.blog.com.mk на 27 Октомври, 2006 - 11:08
Коментари:
Македонија баш сеа поминува низ она што се случуваше у 30-тите години на минатиот век у Ес-А-Де; токму затоа, како по навика ние касниме и со негативните, и со позитивните процеси. Не знам, да не е Македонија земја на неонот, што толку касно (ко неонки) палиме?
Што се однесува до нашите мафии, постои еден позитивен принцип: единствено тие во државава делуваат организирано
(iacovibus 27 Октомври, 2006 - 18:31 | логирај се за да пишуваш коментари)
** За Албанската мафија - која го спроведува крвното убиство ... но сега по нарачка .... платиш да се спроведе крвноубиство ... не е како порано - се бира член на фамилијата да ја изврши крвната одмазда ..
** За Економската мафија - мафијата во порите на општествено економските односи, па и политичките .... па таму дојдов до заклучок дека ние сме единствена држава во Европа - каде Мафијата си има своја држава ... можеби Албанија беше пример за ова порано ... а Косово сеуште не е држава ...
** Во последно време пишував за таканаречената “АрхеоМафија“ ... каде за грст долари ... организирано си го продаваме идентитетот и историјата (сериалот постови уште трае)
Карактеристика на нашите мафии (од сите видови) дека имаат потпора во:
- Политичките партии
- Владините естаблишменти
- Високите структури на државната администрација
- Судството (во високите истанци)- и
- Полицијата
Погледните го само случајот на кој се е купец на станови кај Фиком - Линк Тука
Неколку судии и други високи структури од власта.
Зарем не е индикативно зошто ЕУ - ни го обвини судството и бара реформи - зошто немаме странски и домашни инвестиции - зошто ЕУ бараат реформи во полицијата ??!!
(волан 27 Октомври, 2006 - 19:33 | логирај се за да пишуваш коментари)
баш поради тој позитивен принцип т.е. вештината за организираност кога станува збор за недозволени дејствија - добро би било економскиот развој, вработувањата и евроинтегрирањето да ги прогласиме за против законски, па белким конечно ќе поченеме да напредуваме на тие полиња
волан,
„...Зарем не е индикативно зошто ЕУ - ни го обвини судството и бара реформи - зошто немаме странски и домашни инвестиции - зошто ЕУ бараат реформи во полицијата ??!!...“
Очигледно ни треба и реформска мафија
(oksimoron 27 Октомври, 2006 - 19:48 | логирај се за да пишуваш коментари)
(Бунка 27 Октомври, 2006 - 20:22 | логирај се за да пишуваш коментари)
збунка.
Не каснат текстовите, туку дејствијата
А бељите...они се секогаш напред у времето, нив ништо не ги стасува
Инаку, теријата и праксата често ни се разминуваат во времето и просторот. Законите на физиката не важат овде, ама затоа пак Марфиевите кулуминираат
(oksimoron 27 Октомври, 2006 - 21:27 | логирај се за да пишуваш коментари)
можеби затоа што веќе 2 месеца ме маткаат за еден записник без кој не може да се започнат судски постапки по 3 основи..
и плус..
малку ни се мафии..
па и имаме дури и разни команданти..
и плус..
малку ни е..
кога сето тоа го дозволуваме..
(anaveno 27 Октомври, 2006 - 21:36 | логирај се за да пишуваш коментари)
Законите на физиката не важат, Марфи на Мон Блан се качил, но зошто не важат ни законите на опстанокот, на логиката? Има многу повеќе конкретни факти од ова што го пишуваме... реалност е.
(Бунка 27 Октомври, 2006 - 22:13 | логирај се за да пишуваш коментари)
а бе, за се не бидува - и за мафијачење, и за командување,и за зборување, и за ќутење, и за заботување...за шо не не бива се вадиме на маленкост
бунка,
реална виртуелност е
сирано,
ме има, ме нема, ме има....се движам, де
А глуциве изгледа сериозно си ја сфатиле улогата. Мафија може нема, ама филмање колку сакаш
(oksimoron 28 Октомври, 2006 - 19:01 | логирај се за да пишуваш коментари)
хмм
Не би јас рекол мафија...
БАГРА?
Да.
Кога бев во Италија, ми дадоа жабарите точна дефиниција за мафија....
Безпрекорно функционална организација (Сицилија) која не страда од мито и корупција,нема преваранти,нема лопови....Грешниците плакаат со глава...Затоа се беспрекорни
Тоа е мафија..
Се е друго ФИЛМ...или глумење на мафија
п.с. Во Италија најопасна организација е КАМОРАТА...
Ама за тоа покасно
(sting EYE 29 Октомври, 2006 - 16:26 | логирај се за да пишуваш коментари)
Инаку и тука се плаќа со глава врати си го филмот малку наназад, самоубиство со 6 куршуми во глава???
Окси не знам веќе што е виртуелно што не е, исто ми се фаќа, збунка...
За мафијата зборам Окси, за мафијата.
(Бунка 29 Октомври, 2006 - 22:34 | логирај се за да пишуваш коментари)
(macmeto 6 Ноември, 2006 - 00:08 | логирај се за да пишуваш коментари)
))))))во право си - крајот е таму некаде со почетокот на преговорите и договорите помеѓу организационите единици , поточно помеѓу застапниците на нечии права и одредувачите на принципите за работа во согласност со истите.
Е сеа, знаеш што е добро во мафијашката организираност (?)
- тоа што нема простор за недоразбирања т.е. тоа е празен, мртов простор 
Значи, не смее да има недоразбирања А за разбирањето...сите имаат подеднакви шанси. 50% . Или ќе те биде или нема да те биде. Јасно, недвосмислено, без нијанси
(oksimoron 6 Ноември, 2006 - 12:35 | логирај се за да пишуваш коментари)
Сеа ми текна на една поинаква позадина на мафијата - она, фанатично-религиозна, да не речам масонска. Шпекулативно, од повеќе книги што ги имам прочитано (не само белетристика, туку и она - полито-социолошки), мафијата ти е еден вид на секта. Светскиот пример за тоа е италијанската мафија, која го користи католичкото учење, додава неколку пагански ритуали (не знам, се пресекува дланката, и крвта се поросува на слика на некој светец или светица), и на тој начин суптилно и засекогаш владее со луѓето.
Која психоделија???
(iacovibus 8 Ноември, 2006 - 16:59 | логирај се за да пишуваш коментари)
(Бунка 10 Ноември, 2006 - 22:41 | логирај се за да пишуваш коментари)
No comments:
Post a Comment